Ramiz Mehdiyevin CİNAYƏT İŞİ məhkəməyə göndərildi – Digər müttəhim kimdir?-14.09.2026
Prezident Administrasiyasının sabiq rəhbəri Ramiz Mehdiyevin bir sıra ağır cinayətlərdə ittiham olunduğu cinayət işi üzrə istintaq başa çatıb.
Oxu.Az Gununsesi.info-ya istinadən xəbər verir ki, cinayət işinin materialları baxılması üçün Bakı Ağır Cinayətlər Məhkəməsinə göndərilib.
Məlumata görə, iş üzrə ittiham aktında Ramiz Mehdiyevin sabiq köməkçisi Eldar Əmirov da təqsirləndirilən şəxs qismində yer alıb.
O da Ramiz Mehdiyevlə birlikdə mühakimə olunacaq.
Xəbərdə o da qeyd olunur ki, R.Mehdiyevin oğlu Timur Mehdiyev və kürəkəni İlham Əlisəftər oğlu Əliyevin adları cinayət işində şahid qismində yer alıb. Onların da məhkəmədə ifadəsi dinləniləcək.
Sayt həmçinin yazıb ki, sabiq PA rəhbəri ilə əlbir fəaliyyətdə təqsirləndirilən AXCP sədri Əli Kərimlinin barəsindəki cinayət işinin Ramiz Mehdiyevin işindən ayrıldığı deyilir.
Hazırda Əli Kərimli ilə bağlı istintaq hərəkətləri davam etdirilir.
Bakı Ağır Cinayətlər Məhkəməsi
Hazırladı:
https://oxu.az/kriminal/ramiz-mehdiyevin-cinayet-isi-mehkemeye-gonderildi-diger-muttehim-kimdir
Bir şərh yazın