ABŞ Prezidenti Donald Tramp İsrailin ABŞ-ın dəstəyi olmadan mövcudluğunu davam etdirə bilməyəcəyini bildirib.
bu barədə ABŞ lideri Vaşinqtondan Miçiqan ştatına səfəri zamanı təyyarədə jurnalistlərin suallarını cavablandırarkən danışıb.
“Bilirsiniz bizsiz kim sağ qalmazdı? İsrail”, – deyə Tramp vurğulayıb.
ABŞ Prezidenti qeyd edib ki, bu fikri əsasən İran ətrafındakı vəziyyət kontekstində səsləndirir. Onun sözlərinə görə, əgər ABŞ administrasiyası İranın nüvə proqramına qarşı sərt addımlar atmasaydı, İsrail ciddi təhlükə ilə üz-üzə qalardı.
Tramp bildirib ki, İranın nüvə silahı əldə etməsinin qarşısının alınması istiqamətində həyata keçirilən tədbirlər, o cümlədən İranın nüvə obyektlərinə endirilən zərbələr İsrailin təhlükəsizliyinin təmin olunmasına xidmət edib.
Bir şərh yazın