Böyük Britaniya milyarder İlon Maska məxsus X sosial media platformasının mümkün qadağası ilə bağlı Kanada və Avstraliya ilə danışıqlar aparıb.

Bu barədə “GB Nyus” məlumat yayıb. Nəşrin məlumatına görə, Maskın sosial şəbəkəsi süni intellekt çatbotu “Grok”un qadın və uşaqların açıq-saçıq görüntülərini yaratmaq üçün istifadə edilməsi ilə bağlı qalmaqalın mərkəzində yer alıb.

Məhz bu səbəbdən Böyük Britaniya hazırda digər ölkələrlə üçtərəfli birgə cavab tədbirləri barədə danışıqlar aparır.

“GB Nyus” qeyd edir ki, Avstraliya və Kanada dipfeyk (deepfakes) problemi ilə bağlı Böyük Britaniyanın Baş naziri Keyr Starmerin narahatlıqlarını bölüşür.

Femidaİnfo