İranla bağlı yekun qərar veriləcək – ABŞ prezidenti Donald Tramp vaxtı açıqladı
ABŞ prezidenti Donald Tramp müşavirləri ilə keçirəcəyi toplantıda İranla əvvəlcədən razılaşdırılan sazişin təsdiqlənib-təsdiqlənməyəcəyi ilə bağlı yekun qərar qəbul edəcək.
bunu ABŞ prezidenti Donald Tramp “Truth Social” hesabında paylaşdığı açıqlamada deyib.
O bildirib ki, Tehran və Vaşinqton arasında əldə olunan razılaşmanın əsas müddəalarının böyük hissəsi artıq razılaşdırılıb.
“İran heç vaxt nüvə silahına sahib olmayacağını qəbul etməlidir. Hörmüz boğazı dərhal və heç bir rüsum olmadan hər iki istiqamətdə sərbəst gəmiçilik üçün açılmalıdır. Əgər dəniz minaları varsa, onların hamısı zərərsizləşdirilməlidir”, — deyə Tramp yazıb.
ABŞ prezidentinin sözlərinə görə, İran qalan bütün minaların təmizlənməsi və ya məhv edilməsi prosesini tamamlamalıdır. Bundan sonra blokada səbəbindən boğazda qalan gəmilər öz limanlarına geri dönə biləcəklər.
Bəyanatda həmçinin qeyd olunub ki, zənginləşdirilmiş uran ABŞ tərəfindən İran hakimiyyəti və Beynəlxalq Atom Enerjisi Agentliyi ilə koordinasiya şəraitində ölkədən çıxarılaraq məhv ediləcək.
Tramp əlavə edib ki, xüsusi bildirişədək heç bir maliyyə vəsaiti mübadiləsi həyata keçirilməyəcək.
“Digər, daha az əhəmiyyətli məsələlər artıq razılaşdırılıb. İndi isə yekun qərarı vermək üçün müşavirə keçirəcəyəm”, — deyə ABŞ prezidenti vurğulayıb.
Femidaİnfo.com
Bir şərh yazın